Украина үш жылдық соғыс барысында қару-жараққа 320 миллиард доллар жұмсады. Тек АҚШ-тың өзі бұл елге 67 миллиард доллар көлемінде қару-жарақ жеткізді.

Бұл туралы Украина Президенті Владимир Зеленский мәлімдеді.

"Менің ойымша, бұл мәселені тек көмек арқылы шешуге болады", – деді Украина басшысы. "Бізде нақты сандар бар. Соғыс бізге 320 миллиард долларға түсті: оның 120 миллиардын өз қаражатымыздан – халық пен салық төлеушілердің есебінен, ал 200 миллиардын АҚШ пен Еуропалық Одақтан көмек ретінде алдық. Америка Құрама Штаттары бізге жалпы 67 миллиард доллар бөлді, оның ішінде қару-жарақтан бөлек, 31,5 миллиард доллар бюджетке қаржылық көмек ретінде аударылды", – деп атап өтті Зеленский.