Украина президенти Владимир Зеленский Иванковичи қишлоғидаги уйини сотди
Украина Президенти оиласи билан «Конча-Запса» давлат қароргоҳида вақтинча истиқомат қилади.
Украина президенти Владимир Зеленский Киев вилояти Иванковичи қишлоғидаги уйини сотиб, давлат раҳбарининг қароргоҳига кўчиб ўтди.
Президентнинг матбуот хизмати томонидан Telegram-каналда берилган маълумотга қараганда, Владимир Зеленский уй билан бирга ер участкасини ҳам сотган.
Таъкидланишича, мазкур маълумот шахсларнинг декларацияси бўйича Ягона давлат реестрида ҳам эълон қилинган. “Украина Президенти оиласи билан «Конча-Запса» давлат қароргоҳида вақтинча истиқомат қилади”, дейилади матбуот хизмати хабарида.