Украина президенти Владимир Зеленский Россия президенти Владимир Путинга музокара таклиф қилди.

“Яна бир бор Россия президентига мурожаат қиламан, одамлар умрига зомин бўлмаслик учун музокара столига ўтирайлик”, дейилади Украина етакчиси томонидан ижтимоий тармоқ орқали тарқатилган видео лавҳада.

Мурожаати давомида Зеленский фикрининг бир қисмини рус тилида ифодалаган. Жума куни РФ ташқи ишлар вазири Сергей Лавров украин аскарлари қуролини ташлаган пайт Россия музокарага тайёрлиги ҳақида баёнот бериб, ҳеч ким ҳужум қилиб, вазиятни кескинлаштиришга ҳаракат қилмаётганини айтганди.

Вазирнинг эслатишича, Россия охиригача музокара олиб бориш тарафдори бўлган.