Ukraina prezidenti Vladimir Zelenskiy Rossiya bilan harbiy ziddiyatga borishni istamasligi va masalaning diplomatik yechimi tarafdori ekani bo‘yicha fikr bildirdi.

U NATO bosh kotibi Yens Stoltenberg bilan birgalikdagi brifingda: “Biz, har holda, diplomatik yechim borligiga ishonamiz”, deb ta’kidladi.

"TASS" xabariga ko‘ra, Zelenskiy Stoltenberg bilan Rossiya va Ukraina o‘rtasidagi ehtimoliy harbiy ziddiyatni har tomonlama muhokama qilganini aytib, Ukraina armiyasi Rossiyanikidan miqdor jihatidan ancha ortda ekanini tan oldi.

Qolaversa, ehtimoliy to‘qnashuv sharoitida AQSH o‘z harbiylarini yubormasligi ma’lum bo‘lgach,  Kiyev dunyoning eng qudratli armiyalaridan biriga qarshi turishni istamaydi.