Украина президенти Владимир Зеленский Киевнинг НАТОга аъзо бўлмаслиги бўйича фактни тан олиш лозимлиги ҳақида фикр билдирди.

“Украина НАТО аъзоси эмаслиги аён. Биз буни тушунамиз. Йиллар давомида эшиклар гўёки очиқлигини, шунингдек, бизнинг у ерга киролмаслигимизни ҳам эшитдик”, деди Украина президенти Қўшма экспедиция кучлари етакчилари билан учрашувда.

2014 йилда тузилган Бирлашган Қироллик қўмондонлигидаги Қўшма экспедиция кучлари мунтазам қўшин эмас. Ундаги иштирокчи давлатлар – Буюк Британиядан ташқари, Дания, Исландия, Латвия, Литва, Нидерландия, Норвегия, Финляндия, Швеция ва Эстония вақти-вақти билан ҳарбий ўқув машғулотларини олиб боради.

Зеленскийнинг Киевга ғарб билан янги форматдаги муносабат ва хавфсизлик бўйича алоҳида кафолатлар зарур, деган нутқи “ТАСС” хабарида иқтибос сифатида келтирилган.

Н.Тошпўлатова