"РИА Новости" хабарига қараганда, Украина қуролли кучлари бош қўмондони Валерий Залужний “Украина НАТОнинг ҳарбий эмас, балки сиёсий мададига таянади” мазмунидаги баёнот билан чиққан.

Залужний “Укринформ”га берган интервьюсида, жумладан, шундай деди: НАТО – бу нафақат ҳарбий, балки сиёсий альянс ҳам. Мен ҳарбий кўмак олиб, бундан Украина ҳудудида фойдаланиш мумкин эмаслигини тушунаман. Биз НАТОнинг айнан сиёсий таъсир кўрсатишидан умидвормиз. Қолганига ўз кучимиз билан эришамиз.

Бош қўмондон сўзларига кўра, Украинага сиёсий кўмак бериш учун НАТО иттифоқчиларида барча зарур имконият, таъсир дастаги мавжуд.