Катта еттилик мамлакатлари Украина муаммоси узоқ чўзилиши, яна олти-етти йил давом этишини тахмин қилмоқда, деб хабар тарқатди “Блумберг” агентлиги.

G7 мамлакатлари учун Киевга молиявий ва ҳарбий ёрдам кўрсатишни низо узоқ чўзилишини ҳисобга олиб режалаштириш зарурати аён бўлмоқда, дейилади хабарда. “АҚШ ва ушбу мамлакатнинг “еттилик гуруҳи”даги иттифоқчилари энди Украинага молиявий ва ҳарбий ёрдам кўрсатишни можаро узоқ чўзилишини ҳисобга олиб режалаштириши керак, чунки зиддият яна олти-етти йил давом этиши мумкин”, – дейилади агентлик эълон қилган материалда.

G7 мамлакатлари НАТОнинг июль ойида Вильнюсда бўлиб ўтган саммитида Украинани қўллаб-қувватлаш бўйича декларация эълон қилган.

ЎзА