Украина Президенти Владимир Зеленский Франция етакчиси Эммануэль Макрон, Буюк Британия Бош вазири Кир Стармер ва АҚШ раҳбари Дональд Трампнинг махсус вакили Стив Уиткофф билан телефон орқали “тинчлик режаси”ни муҳокама қилганини айтди.

Шунингдек, Зеленский ижтимоий тармоқ саҳифасида Макрон билан Парижда учрашгани ҳақида ҳам ёзди. Бир неча соат давом этган мазкур мулоқот чоғида у Россия ва Украина урушини тугатиш, мамлакати учун хавфсизлик кафолати каби масалалар муҳокама қилинганини таъкидлади.

– Дунё чинакам ишончли бўлиши керак, уруш имкон қадар тезроқ тугаши керак, – деб ёзган Украина раҳбари.

Шунингдек, Миллий хавфсизлик ва мудофаа кенгаши котиби Рустем Умеров бошчилигидаги делегация АҚШ таклиф қилган урушни тугатиш бўйича “тинчлик режаси”ни муҳокама қилиш учун АҚШда эканини ҳам эслатган.

– Уруш муносиб якунланиши керак, деган фикрга қўшиламиз, – дея фикрини давом эттирган Зеленский. – Украина ва Европада хавфсизлик кафолатини мустаҳкамлаш, шунингдек барқарорлигимиз учун узоқ муддатли асос яратиш бўйича муваффақиятга эришиш муҳим. Тафсилотларни асосан ўзаро таҳлил қилишга келишдик – жамоалар кейинги алоқалар жадвалини мувофиқлаштириб олади.

Г.Сатторова, ЎзА