Угандада лаңкестік-көтерілісші топтың мектепке шабуылынан кемінде 38 бала мен үш ересек адам қаза тапты.

Independent басылымының хабарлауынша, шабуыл елдің батысында, Конго Демократиялық Республикасымен шекаралас жерде болған.

Полиция балалардың кейбірінің өртте өлгенін немесе пышақталып өлгенін, ал басқа да көптеген оқушылар, көбісі қыздарды қылмыстық топ ұрлап кеткенін мәлімдеген.

Шабуыл жұма күні кешке болып, құрбандар саны бастапқыда 25 болды. Сенбі күні билік 41 мәйіт табылғанын хабарлады, оның ішінде 38 оқушы, бір күзетші және мектеп сыртында оққа ұшқан екі жергілікті қоғамдастық өкілі. Сонымен бірге, мектептегі өрт әлі сөндірілмегендіктен, жаңа мәйіттердің табылуы мүмкін. Сондай-ақ сегіз адамның жағдайы ауыр.

Шабуыл жасағандар ДАИШ-ті қолдайтын Демократиялық күштер альянсының (ADF) мүшелері екені анықталған. ADF соңғы жылдары Конгодағы бірнеше шабуылдарға, соның ішінде 2021 жылы 30 сарбаз бен үш бейбіт тұрғынның өліміне себеп болған.