«Ювентус» клубының жартылай қорғаушысы COVID-19 хаттамасын бұзғаны үшін АҚШ ұлттық құрамасынан шеттетілді.

ESPN мәліметінше, американдық ойыншы СOVID-19 хаттамасын екі рет бұзған. Бастапқыда ол бапкерлер рұқсатынсыз ұлттық құрама лагерінен өз еркімен кетіп қалып, содан кейін ол бейтаныс адамды ертіп келген.

АҚШ құрамасының бас жаттықтырушысы Грегг Берхалтер Маккеннидің бұл әрекеті үшін оны ұлттық құрамадан шеттеті және жартылай қорғаушы 9 қыркүйекте 2022 жылғы әлем чемпионатының іріктеу ойындары аясында өтетін Гондурасқа қарсы кездесуде алаңға шықпайтын болды.

Маккенни - АҚШ құрамасының үздік футболшыларының бірі. Ол құрама команда сапында 25 рет алаңға шығып, 7 рет гол соққан.