УЕФА 2023 жылғы Еуропа суперкубогы Ресейде өтпейтінін ресми түрде мәлімдеді.

Еуропа футбол қауымдастықтарының атқарушы комитеті Чемпиондар лигасы мен Еуропа лигасының жеңімпазы арасындағы матч Татарстан астанасы Қазан қаласынан Греция астанасы Афинаға көшірілгенін хабарлады.

Еуропа суперкубогы үшін ойын 16 тамызда «Олимпиакос» клубының үй стадионы «Георгиос Карайскакис» алаңында өтеді.

Еске салар болсақ, 2020 жылдың 2 наурызында Амстердамда өткен УЕФА Атқарушы комитетінің отырысынан кейін Қазан қаласы УЕФА Суперкубогы финал кездесуін өткізу құқығын жеңіп алған еді. Ресейде бұрын-соңды УЕФА Суперкубогының матчы өткен емес.

УЕФА Ресейдің Украинаға қарсы ауқымды әскери әрекетінен кейін ресейлік клубтар мен ұлттық құрамаларды - ерлер мен әйелдердің - өз қамқорлығымен өтетін жарыстарға қатысуын белгісіз мерзімге тоқтатты. Сонымен қатар, Санкт-Петербург 2022 жылдың 28 мамырында УЕФА Чемпиондар лигасының финалын өткізу құқығынан айырылды.