Еуропалық футбол қауымдастықтарының одағы – УЕФА өз ресми сайтындағы ұйымға мүше 55 ел ассоциациясына коронавирустың салдарынан арын алған дағдарысқа байланысты қаржы беруін мәлімдеді.

Жалып қаржы мөлшер 236,5 миллион еуро болып, мұны УЕФА-ның «Хет-трик» қоры бөлген. Әдетте бұл қор футболдың жекелеген бағыттарын дамытуға жұмсалады, бірақ қазіргі жағдайға байланысты УЕФА қауымдастықтарға коронавирустың теріс әсерін азайтуға көмек ретінде 55 қауымдастыққа 4,3 миллион еуродан беретін болған.

Бұған дейін ФИФА өз мүшелігіндегі 211 ұлттық футбол қауымдастықтарына 150 миллион доллар қаржы бөлгендігін айтып, оны қауымдастық қаржылық жағынан қиындық көрген дәрежесіне қарай таратуын айтқан.