УЕФА өзі ұйымдастыратын жарыстарда қонақта соғылған гол ережесін алып тастауды қарастыруда.

Бұл мәселе 28 мамырда УЕФА-ның клубтар турнирін ұйымдастыру комитетінің отырысында талқыланды. Комитет мүшелері қонақта соғылған гол ережесін жою туралы шешім қабылдады.

Шешім толықтай күшіне енуі үшін УЕФА Атқарушы комитетінің келісімі қажет.

1965 жылдан қолданыста бар бұл ережге сәйкес, Еуропа чемпионатындағы екі матчтық қорытынды бойынша есеп тең болған жағдайда қонақта көбірек гол соққан команда келесі кезеңге өтеді.