Еуропалық футбол қауымдастықтары одағы (УЕФА) мен АҚШ және Канада футбол лигасының жоғарғы дивизионы (MLS) бірлескен жаңа турнир құру мүмкіндігін қарастыруда.

The Guardian басылымының хабарлауынша, жаңа жарыс УЕФА суперкубогына балама болмақ.

Жоба бойынша турнирге Чемпиондар лигасы, Еуропа лигасы, Конференциялар лигасы және Солтүстік Американың жоғарғы лигасының жеңімпаздары қатысады. 

Бұл мәселе бойынша талқылаулар 22-23 қыркүйекте Ыстамбұлдағы УЕФА Бас ассамблеясында өтеді.

Егер турнирді өткізу туралы шешім қабылданса, жарыстың бірінші жеребесі 2024 жылға жоспарланған. 

Айта кету керек, УЕФА суперкубогы 1972 жылдан бері өткізіліп келеді.