УЕФА-ның қолдауымен өтетін барлық турнирлерде қонақта соғылған гол ережесі енді жарамсыз болып табылады. Өйткені бұл ереже өз күшін жойды.

Ұйымның хабарлауынша, шешім 2021/22 маусымынан бастап өз күшіне енеді. Осылайша, Чемпиондар лигасында, Еуропа лигасында және басқа УЕФА турнирлерінде, іріктеу мен плей-офф кезеңінде екі ойыннан кейін есеп тең болған жағдайда, командалар қосымша таймдарда ойнайды.

Осыған дейінгі ереже бойынша, екі ойын тең түскен жағдайда, сапарда ең көп гол соққан команда келесі кезеңге жолдама алатын еді.

УЕФА президенті Александр Чеферин бұл ереженің жойылуына қатысты пікір білдірді:

«Қонақта соғылған гол ережесі 1965 жылдан бастап УЕФА жарыстарының ажырамас бөлігі болып келді. Алайда оны алып тастау туралы мәселе соңғы жылдары көптеген жиындарда талқыланды. Көптеген бапкер, жанкүйер және функционерлер ереженің әділдігіне күмәнданып, оны алып тастау дұрыс деп санайды. 

Қазіргі уақытта осы ереже бастапқы идеяға қайшы келеді. Шын мәнінде, бұл алаң иелерінің шабуылдық ойынына кедергі жасайды, әсіресе бірінші кездесуде. Өйткені олар қарсыласына негізгі басымдық бере алатын гол жіберіп алудан қорқады. Сондай-ақ, ереже әділетсіздік сәтінде сынға ұшырайды, өйткені алаң иелері өз қақпаларына гол жіберіп алып, екі гол соғуы керек. Бұл әсіресе қосымша уақытқа қатысты. 

Сондықтан УЕФА Атқарушы комитеті дұрыс шешім қабылдады. Енді Қонақта соғылған голдың маңызы жоқ»,  деген ол.