Россия - Украина чегарасидан 1400 км масофада жойлашган Удмуртияда махсус объект ҳужумга учраган.

 Иншоот вайрон бўлганини маҳаллий губернатор Александр Бречалов тасдиқлаган.

Маълум бўлишича, “республикадаги объектлардан бирига дронлар ҳужум қилган, жиддий зарар ва қурбонлар” ҳақида маълумотлар бор.

“Astra” нашри ёзишича, зарба Ижевск яқинидаги Воткинск шаҳрида жойлашган заводга қаратилган. “Искандер-М”, “Тополь-М” ҳамда “Орешник” баллистик ракеталари ишлаб чиқариладиган ушбу корхона АҚШ, Буюк Британия, Швейцария, Австралия, Япония, Украина ва Европа Иттифоқи мамлакатлари томонидан санкция рўйхатига киритилган. 

Маҳаллий аҳоли вакиллари гувоҳлик беришича, ҳужум натижасида икки цех зарар кўрган. Киев томони ижтимоий тармоқ орқали тарқатган хабарларда эса Воткинск заводига қилинган ҳужум дрон эмас, балки Украинанинг “Фламинго” ракетаси томонидан амалга оширилгани таъкидланмоқда.

С.Раҳимов, ЎзА