"Ас-Судани" газетасининг ёзишича, Судандан Қатар пойтахти Дохага учаётган самолёт кабинасида кутилмаганда мушук пайдо бўлиб қолган.

Натижада экипаж ҳаво кемасини орқага қайтаришга мажбур бўлган.

Хабарда айтилишича, Суданнинг Tarco авиакомпаниясига қарашли йўловчи самолёт мамлакат пойтахти Хартумдан Қатарга қараб парвозни бошлагандан кейин ярим соат ўтар-ўтмас учувчилар кабинасида кутулмаганда мушук пайдо бўлган.  

Газетанинг ёзишича, мушук самолёт бошқарувига ҳалақит берган ва экипаж капитанига ташланмоқчи бўлган, шу боис капитан самолётни Хартум аэропортига қайтаришга қарор қилган.

Нашрнинг ёзишича, мушук самолётга тунда аэропортда турган чоғида тозалаш ишлари олиб борилаётганда ёки техник кўрикдан ўтказилаётганда чиқиб олган бўлиши мумкин.