FOTOREPORTAJ

Namanganlik 15 yashar o‘quvchi «President Tech Award» tanlovida g‘olib bo‘lgani uchun berilgan mukofotning bir qismini o‘zi o‘qiyotgan maktab uchun ajratdi.

Muhammad Tojiddinov Uchqo‘rg‘on tumanidagi 3-maktabning 9-sinfida tahsil oladi. U boshchilik qilgan jamoa tanlovning Axborot va kiberxavfsizlik texnologiyalari yo‘nalishida “PCP raqamli qalqoni” loyihasi bilan ishtirok etib, g‘oliblar safidan o‘rin oldi va 50 ming dollar miqdoridagi mukofotni qo‘lga kiritdi.

[gallery-15633]

- Maqsadimiz tizimlar va shaxslarni ishonchli himoya qilishdan iborat. Eng ilg‘or texnologiyalardan foydalanib, kiberhujumlarni o‘tmishga aylantirishni istaymiz. Loyihamiz hozircha o‘zimizda muvaffaqiyatli sinovdan o‘tdi, kelgusi yili esa jahon bozoriga chiqishni niyat qilganmiz, - deydi Muhammad Tojiddinov.

M. Tojiddinov jamoa a’zolari bilan kelishgan holda xayriya qilgan mablag‘ga maktabda zamonaviy kompyuter sinfini tashkil etish rejalashtirilgan.

- Bu maktabimda bilim olayotgan ukalarimiz va singillarimiz axborot texnologiyalarini mukammal o‘rganishi uchun rag‘bat deb o‘ylayman. Qolaversa, onam shu maktabda 30 yildan beri ona tili va adabiyotdan dars beradilar, - deydi samimiylik bilan Muhammad.

Hotam MAMADALIEV(surat),O‘zA