Мамлакатимизда “Яшил макон” умуммиллий лойиҳаси доирасида “яшил боғлар”, “яшил жамоат парклари”, “яшил белбоғ”лар барпо этиш, экологик атроф-муҳит муҳофазасига катта аҳамият қаратилиб, бу борадаги тадбирлар уюшқоқлик билан ўтказилиб келинмоқда.

Хусусан, Қорақалпоғистон Республикаси прокуратураси ташаббуси билан Нукус шаҳрининг “Ата макан” маҳалла фуқаролар йиғинида 1 гектардан ортиқ фойдаланилмасдан турган ер майдони ўзлаштирилиб, экишга шай ҳолатга келтирилди.

Ушбу ер майдонига кўчат экиш жараёни катта тадбир сифатида ташкил этилди, Қорақалпоғистон Республикаси прокурори Ш.Аминов раҳбарлигида ёши улуғ нуронийлар, фаол ёшлар иштирокида уч юз тупдан ортиқ мевали ва манзарали дарахт кўчатлари экилди.    

Довуд Абибуллаев,

ЎзА мухбири