Suv polosi bo‘yicha Urganchda U13 yosh toifasi bo‘yicha o‘tkazilgan O‘zbekiston kubogining o‘g‘il bolalar jamoalari o‘rtasidagi musobaqalarda Jizzax viloyatining suv sport turlariga ixtisoslashgan maktabi vakillari g‘oliblikka erishgan bo‘lsa, qizlar bahsida Xorazm jamoasi muvaffaqiyat qozondi.

O‘g‘il bolalar o‘rtasidagi qizg‘in kechgan musobaqalarda Jizzax viloyatining suv polosi jamoasi musobaqada ishtirok etgan deyarli barcha jamoalarni katta ustunlikda dog‘da qoldirdi. Jizzax viloyati suv sport turlari maktabi vakillariga munosib qarshilik ko‘rsatgan Namangan jamoasi o‘z navbatida 2-o‘rinni egalladi.

Qizlar jamoalari o‘rtasidagi o‘yinlarda Xorazm viloyati suv polosi vakillaridan keyingi o‘rinlar Jizzax va Surxondaryo viloyatlari jamoalariga nasib etdi.

T. Ro‘ziyev, O‘zA