Швейцариянинг Цюрих шаҳрида 17 ёшгача бўлган футболчилар ўртасидаги жаҳон чемпионатига қуръа ташлаш маросими бўлиб ўтди.

Айтиш лозимки, 24 давлат терма жамоаси қатнашадиган мазкур чемпионат иштирокчилари тўртта саватчага бўлинган бўлиб, Ўзбекистон терма жамоаси Янги Зеландия, Эрон, Сенегал, АҚШ  Марокаш жамоалари билан учинчи саватчадан жой олган эди.

Ташланган қуръа натижаларига кўра, Ўзбекистон терма жамоаси "B" гуруҳда Испания, Мали ва Канада терма жамоалари билан биргаликда жаҳон чемпионатидаги иштирокини бошлайди

"A" гуруҳ: Индонезия, Эквадор, Панама, Марокаш.

"B" гуруҳ: Испания, Канада, Мали, Ўзбекистон.

"C" гуруҳ: Бразилия, Эрон, Янги Каледония, Англия.

"D" гуруҳ: Япония, Польша, Аргентина, Сенегал.

"E" гуруҳ: Франция, Буркина Фасо, Корея Республикаси, АҚШ.

"F" гуруҳ: Мексика, Германия, Венесуэла, Янги Зеландия.  

Индонезия футбол майдонларида кечадиган жаҳон чемпионати гуруҳ босқичидаги биринчи тур ўйинини ҳамюртларимиз 10 ноябрь куни Мали терма жамоасига қарши ўтказади.  

13 ноябрь куни бўладиган иккинчи турда вакилларимиз Канада билан куч синашади.  

16 ноябрь куни гуруҳнинг сўнгги ўйинида терма жамоамиз аъзолари Испания терма жамоаси билан рўбарў келади.

Эслатиб ўтамиз, ўсмирлар ўртасидаги мундиал жорий йилнинг 10 ноябрь - 2 декабрь кунлари Индонезия давлатида ташкил этилади.

Т. Рўзиев, ЎзА