Тәжікстанда «Nestlé» компаниясы өндіретін NAN брендімен шығарылатын балалар тағамын сатуға және оны пайдалануға тыйым салынды.

Тәжікстан Республикасының Стандарттау, метрология, сертификаттау және сауда инспекциясы агенттігінің мәліметінше, аталған өнім белгіленген реттеу талаптарына сәйкес келмейді. Осыған байланысты азаматтарға бұл өнімді пайдаланбау, ал сатып алынған жағдайда оны кері қайтару ұсынылды.

Мамандар импорттаушы компаниялармен бірлесіп, туындаған жағдайға байланысты қажетті шараларды қолға ала бастады.

Бұған дейін «Nestlé» компаниясының Қазақстанда балалар тағамының шектеулі партиясын кері қайтарып жатқаны туралы хабарланған болатын.