Тынық мұхиты арқылы жеңіл және электр көліктерін тасымалдап келе жатқан «Morning Midas» кемесі суға батып кетті.

Бұл туралы The Wall Street Journal басылымы хабарлады.

Кеме бортында 3000-ға жуық автокөлік болған, олардың шамамен 800-і – электрлі көліктер. Бұл мәліметті «Zodiac Maritime» халықаралық кеме басқару компаниясы растады.

АҚШ жағалау күзетінің хабарлауынша, өрт 3 маусымда, кеме Адак аралынан 555 шақырым қашықтықта болған кезде басталған. Бірнеше аптадан кейін, нақтырақ айтқанда, маусым айының ортасына қарай кеме суға батқан.

The Wall Street Journal атап өткендей, электр көліктерінде жиі қолданылатын литий-ион батареялары өте жанғыш болғанымен, апаттың нақты себебі әзірге белгісіз. Қазіргі таңда оқиғаға қатысты тергеу шаралары жүргізілуде.

Кеме қозғалысын бақылау порталдарының мәліметінше, «Morning Midas» 26 мамырда Қытайдың Шандунь провинциясындағы Яньтай портынан шығып, 15 маусымда Мексиканың Ласаро Карденас портына жетуі тиіс болған. Кеме Либерия туы астында жүзіп жүрген.