Хитой ва Марказий Осиё журналистларини бирлаштирган “Хитой билан танишамиз – Тяньцзиньга медиа саёҳат” лойиҳаси ўз ишини Тяньцзинь қадимий маданият кўчасидан бошлади. Бу жой шунчаки тарихий кўча эмас — бу Хитойнинг маданий руҳи ва асрий урф-одатларини ўзида жамлаган тирик музейдир.

Кўча бўйлаб қадимий услубда тикланган бинолар, анъанавий ҳунармандчилик дўконлари, хитойча ёзувлар ва хушбўй чойлар ҳиди меҳмонни бирданига бошқа даврга олиб киради. Бу маскан ҳар йили миллионлаб сайёҳлар ва маҳаллий маданият ихлосмандларини ўзига тортади.

Тяньцзинь қадимий маданият кўчаси (天津古文化街)

Бу кўча 1986 йилда расмий равишда очилган бўлса-да, унинг тарихи 17 асрга бориб тақалади. 600 метрдан ортиқ масофани эгаллаган ушбу маскан “Хитойча услубда сайр қилиш, анъаналарни ҳис қилиш ва ўтмишга қайтиш” деган шиор остида яратилган.

Медиа тур иштирокчилари — CGTNнинг рус тили бўлими мухбири Суо Йиқун ва Ўзбекистон Миллий ахборот агентлиги журналисти Нозимбек Мардонов ушбу қадимий кўчани биргаликда айланиб чиқиб, Хитойнинг анъанавий маданий жозибасини бевосита ҳис қилишди.

Кўча бўйлаб сайр давомида меҳмонлар дунёга машҳур “Niren Chjan” (泥人张) ҳайкалтарошлик дўконига ҳам киришди. Бу ном Хитойнинг энг қадимий ва обрўли халқ санъати мактабларидан бирини англатади.

“Niren Chjan” — бу Хитойда 1800 йилларда пайдо бўлган лойдан ясалган миниатюра ҳайкаллар санъати бўлиб, унинг асосчиси Zhang Mingshan ҳисобланади.

— Бу ҳайкаллар инсон мимикаси, кийим-кечак деталларигача ниҳоятда аниқ ва реал кўринишда ишланади.

— Бироқ улар фақат томоша учун эмас — бу санъат орқали тарихий воқеалар, халқ эртаклари, ҳатто сиёсий лавҳалар ҳам ифодаланади.

<iframe width="482" height="857" src="https://www.youtube.com/embed/RZTWmGD9b9M" title="Tyantszin manzillari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нозимбек Мардонов, ЎзА