«Бир дона акциянинг нархи 33,8 долларгача арзонлашди, Акциялар қадрсизланиши 5,24 фоизни ташкил этмоқда», дейилади хабарда.

16 июль тунда номаълум хакерлар кўплаб машҳур кишиларнинг аккаунтларида бир хилдаги эълонларни бера бошлади. Хакерлар ҳужумига учраганлар орасида Tesla асосчиси Илон Маск, АҚШ президентлигига номзод Жо Байден, собиқ президент Барак Обама, миллиардер Билл Гейтс ва бошқалар машҳур сиёсатчи ва тадбиркорлар бор. Эълон муаллифлари жўнатилган биткоинларни 30 дақиқа давомида икки баробар ошириб қайтаришни ваъда қилишган.

Бир неча соат ўтгандан кейин Twitterни техник қўллаб-қувватловчи гуруҳ аккаунтларнинг аксарият қисми ўз фаолиятини тиклагани, уларда хабарлар ёзиш мумкинлигини эълон қилган, лекин барибир, узилишлар бўлиши ҳақида огоҳлантирган.

Twitter асосчиси ва раҳбари Жек Дорси бўлиб ўтган ҳодисалар чуқур таҳлил қилиб бўлингандан кейин, бу ҳақда компания албатта маълумот беришини ваъда қилди.