Туркманистон Президенти Покистон нефть вазирини қабул қилди
Туркманистон Президенти Сердар Бердимуҳамедов Покистон нефть вазири Мусодиқ Масъуд Маликни қабул қилди. Учрашув чоғида томонлар савдо-иқтисодий ҳамкорлик, жумладан, Туркманистон – Афғонистон – Покистон – Ҳиндистон газ қувурини ётқизиш масаласини муҳокама қилди. Бу ҳақда “Neytral Turkmaniston” газетаси хабар берган.
Нашр қайд этишича, Туркманистон – Покистон муносабатининг энг муҳим таркибий қисми стратегик ёқилғи-энергетика соҳасидаги ҳамкорликдир.
“Шу нуқтаи назардан Туркманистон – Афғонистон – Покистон – Ҳиндистон трансмиллий газ қувури лойиҳасини амалга оширишга алоҳида эътибор қаратилмоқда”, деб ёзди газета.
Таъкидланишича, “Туркманистон – Афғонистон – Покистон йўлаги бўйлаб электр узатиш ва оптик толали алоқа тизимини ётқизиш лойиҳаси ҳам катта аҳамиятга эга”.