Turkmaniston JSTga a’zo bo‘lish uchun ariza berdi
Turkmaniston Jahon savdo tashkilotiga kuzatuvchi sifatida a’zo bo‘lish uchun ariza topshirdi, deya xabar berdi “Xabar 24”.
Tegishli farmon Turkmaniston Prezidenti Gurbanguli Berdimuhamedov tomonidan imzolangan.
JSTga a’zo bo‘lish tartibiga ko‘ra, bu masala tashkilot Bosh Kengashining navbatdagi yig‘ilishida ko‘rib chiqiladi.
Turkmaniston tomoni Jahon savdo tashkilotida kuzatuvchi maqomiga ega bo‘lish milliy iqtisodiyotining rivojlanishiga ulkan hissa qo‘shadi, deb ishonadi.