Turkiya Prezidenti Rejep Tayyip Erdoʻgʻan Suriya boʻyicha Turkiyaning Rossiya bilan ham, Eron bilan ham muammosi yoʻq, deb bayonot berdi.

“Rossiyaga va Eronga murojaat qilaman. Bizning Suriya boʻyicha sizlar bilan hech qanday muammomiz yoʻq, bizning harakatlarimiz Rossiyaga ham, Eronga ham qaratilmagan. Bizga Suriyaning nefti ham, yeri ham kerak emas. Biz faqat oʻzimizning milliy xavfsizligimiz uchun kurashayapmiz. Chunki, Rossiya emas, Eron emas, boshqa mamlakatlar ham emas, faqat biz 3,7 millionlik qochqinlarni qabul qilyapmiz. Biz bu yukni koʻtara olmaymiz“, – dedi Erdoʻgʻon Anqarada chiqish qilib.