Туркиянинг SIPER синов ракетаси 100 километр масофадаги нишонни бориб урди, деб маълум қилди мамлакат мудофаа саноати бошқармаси раҳбари Исмоил Демир.

"Республикамиз ташкил топганига 100 йил тўлаётган бир пайтда мудофаа саноатимиздан миллатимизга Янги йил совғаси бўлди. Ҳаво ҳужумига қарши ва ракета ҳужумига қарши мудофаа учун ўта муҳим ҳисобланган бошқариладиган SIPER Product-1 синов тизими 100 километрлик масофадаги нишонни муваффақиятли йўқ қилди", - деб ёзди Демир ўзининг ижтимоий тармоқдаги саҳифасида.