28-чақириқ Туркия Буюк Миллат Мажлиси (парламенти)га 14 май куни бўлиб ўтган сайловларнинг якуний натижалари ҳукуматнинг нашри - “Resmi Gazete” да эълон қилинди.

Марказий сайлов комиссияси маълумотларига кўра, парламент сайловида мамлакатда, хорижда ва чегара постларида рўйхатга олинган 64 миллион 145 минг 504 нафар сайловчидан салкам 56 миллиони овоз беришда иштирок этди. Бу сайловчиларнинг 87,5 фоизига тенг.

1 миллион 393 минг 307 бюллетень ҳақиқий эмас, деб топилди.

Сайловлар натижасида ҳукмрон Адолат ва тараққиёт партияси парламентда 268 мандатга эга бўлди.  

Қолган депутатлик ўринлари қуйидагича тақсимланди: “Янги фаровонлик” - 5, “Миллатчи ҳаракат” - 50, “Яшиллар” - 61, “Ишчилар” - 5, “Яхши” - 43 ва Республика халқ партияси 169.

ЎзА