Бугун Туркия шимоли-ғарбида жойлашган тоғ-чанғи курортидаги меҳмонхонада йирик ёнғин содир бўлди. Бу ҳақда "Анадолу" ахборот агентлиги хабар бермоқда.

Сўнги маълумотларга кўра, ёнғин оқибатида камида 10 киши ҳалок бўлган ҳамда 32 киши турли жароҳатлар билан касалхонага ётқизилган. 

Туркия ички ишлар вазири Али Ерликаянинг маълум қилишича, ёнғин тунги вақтда меҳмонхона ресторанидаги хавфсизлик қоидалари бузилиши оқибатида келиб чиққан бўлиши мумкин. 

Дастлаб, ёнаётган бино ичидан ташқарига чиққан икки нафар фуқаро олган жароҳатлари туфайли вафот этган, деб хабар берди ҳудуд губернатори Абдулазиз Ойдин ОАВга берган интервьюсида. 

Масъулларнинг айтишича, воқеа жойига зудлик билан 30 та ўт ўчириш ҳамда 28 та тез ёрдам машинаси юборилган. Ёнғин сабаблари ҳозирча расман маълум қилинмаган. 

М.Пирматова, ЎзА