Туркияда зилзиладан кейин 340 дан зиёд киши қамоққа олинган
Туркияда юз берган ҳалокатли зилзиладан кейин вайроналар ҳудудида талончилик қилганликда ҳамда бино қурилиши қоидаларини бузганликда айбланиб, қамоққа олинганлар сони 340 кишидан ошди, деб хабар тарқатди TRT телеканали.
Телеканал берган маълумотда келтирилишича, Бош прокуратура томонидан 11 та вилоятда олиб борилган текширувлар натижасида жами 564 киши зилзила оқибатида вайрон бўлган биноларнинг қурилиши талабларига амал қилмаганликда гумонланган. Уларнинг камида 160 нафари қамоққа олинган, қолганлари қидирилмоқда.
Тергов ҳаракатлари доирасида 282 кишининг вайроналар ҳудудида талончилик қилгани аниқланган, уларнинг 181 нафари ҳибсга олинган.