Улар февраль ойида Туркиянинг жануби-шарқида юз берган зилзила оқибатида биноларнинг вайрон бўлишига сабабчи сифатида қамоққа олинган, деди Президент Режеп Таййип Эрдоған чоршанба куни.

“Камчиликларга йўл қўйиши ва уйларнинг қулаши сабабли 1 минг 364 кишига нисбатан тергов ишлари олиб борилмоқда. 302 киши қамоққа олинган, 312 кишига қамоққа олиш учун ордер берилган, уларнинг тўрт нафари мамлакат ташқарисида юрибди”, – деди Эрдоған NTV телеканалига берган интервьюсида. 

Гумонланганлардан  64 таси зилзиладан кейин вафот этди, дея таъкидлаган Президент.  

Эрдоғаннинг айтишича, ушланганларнинг 106 нафари буюртмачи ҳисобланади, 18 таси  бино тузилмасига ўзгартириш киритган.  

Унинг таъкидлашича, вайрон бўлган биноларнинг барчаси 1999 йилдан аввал, яъни сейсмобарқарор бинолар қуриш тартиблари қабул қилингунга қадар қурилган.  

Туркияда 1999 йилда 18 минг кишининг ўлимига сабаб бўлган ҳалокатли зилзила рўй берган эди. Шундан кейин турар жой қурилишларини тартибга солувчи қоидалар қайта кўриб чиқилди. Хусусан, 2007 йилда уйларни зилзиладан ҳимоя қилиш учун зарур бўлган талаблардан келиб чиқиб бинолар қурилиши кодекси қабул қилинган.