Туркиянинг Шонлиурфа ва Адияман вилоятида кучли сув тошқинлари рўй бермоқда. Ҳозиргача беш киши офат қурбонига айланди, бедарак кетганлар ҳам бор, деб хабар тарқатди Tvnet телеканали.

Туркиянинг Шонлиурфа вилоятида қаттиқ жала оқибатида юз берган сув тошқинлари касалхонани ювиб кетган, мактабларда дарслар тўхтатилган, деб хабар берганди аввалроқ Habertürk телеканали.

Телеканал маълумотларига кўра, ҳозиргача сув тошқинларида беш киши ҳалок бўлган.

Шонлиурфа муниципалитети мэри Зейнал Абидин Биёзгулнинг маълум қилишича, “бедарак кетганлар ҳақида хабарлар бор, лекин уларни ҳозирча тасдиқлаб бўлмаяпти”.