Туркия жанубидаги Денизли вилоятини қамраб олган ўрмон ёнғини бу йил мамлакатда содир бўлган офатларнинг энг йириги экани айтилмоқда. Маъмурият маълум қилишича, ўтни ўчириш учун 20 та вертолёт, 2000 дан кўп мутахассис жалб қилинган. Афсуски, 29 августдан буён эсаётган кучли шамол оловни ўчиришга имкон бермаяпти.

— Булдон туманидаги ўрмон ёнғинини ўчиришда 619 та техника воситаси ва 2205 киши иштирок этмоқда, — дейилади матбуот хабарида. — Гарчи аланга шиддати бироз пасайган бўлса-да, ёнғинни бутунлай ўчириш ҳаракати осон кечмаяпти.

Расмийлар "тилсиз ёв" қаршисида қолган икки қишлоқдан 84 хонадон аҳолиси кўчирилганини таъкидлади.