Туркияда велоспорт бўйича ўтаётган “Grand Prix Kayserie” халқаро турнирининг аёллар ўртасидаги гуруҳ пойгасида иштирокчилар 88,2 км масофада ўзаро рақобатлашди.

Унда Ўзбекистон терма жамоаси аъзоси Ольга Забелинская маррани 2 соат 49 дақиқа 49 сонияда босиб ўтди ва олтин медални қўлга киритди.  

Яна бир вакилимиз Янина Кускова 2 соат 55 дақиқа 10 сония билан бронза медалига сазовор бўлди.

Шу тариқа спортчиларимиз “Париж-2024” Олимпия ўйинларига йўлланма берувчи навбатдаги 103 рейтинг  очкосини жамоа ҳисобига ёзиб қўйди.

Жавоҳир Тошхўжаев, ЎзА