Туркиянинг Эрзинжон вилояти Илич туманида олтин кони жойлашган каттагина ҳудудда кўчки содир бўлди.

“AзерТAЖ” хабарига кўра, мамлакат ички ишлар вазири Aли Эрлиқоя воқеа юзасидан маълумот берган: Воқеа пайти конда ишлаган 667 ишчидан тўққиз нафарининг тақдири номаълум. Улар ер остида қолган, дея тахмин қилинмоқда. Ҳудудда олиб борилаётган қидирув-қутқарув ишларига 400 киши, 40 дан зиёд техника жалб қилинган.

Ҳодиса юзасидан суриштирув бошланган.