Мамлакатда асосий мухолифатчи ҳисобланган Халқ-Республика партияси (ХРП) раисининг собиқ ўринбосари сифатида фаолият кўрсатган Йилмаз 2018 йил ноябрда намоз ўқиш учун азонни турк тилида айтишга даъват этгани учун партиядан чиқарилган эди.

"Туркия аллақачон янгиланишларга муҳтож, буни янги партия амалга ошириши лозим. Зеро, сиёсиё ва бюрократик тизим емирилмоқда. 18 йил мобайнида етакчилик қилаётган Адолат ва тараққиёт партиясига тегишли Туркия ҳукумати демократияни йўққа чиқарди, парламентни кучсизлантирди, бир киши бошқарувидаги тизимни вужудга келтирди ва жамоатчилик розилигини синдирди", – деган Йилмаз.

Унинг айтишича, Туркияда мухолифат Президент Режеп Таййип Эрдоғанни фақат сўзда танқид қилади.

"Мухолифат бугунги кунда мағлубиятга учраганлар клуби бўлиб, амалда президентни қўллаб-қувватлаш учун ишлаяпти. Мухолифатдаги партиялар раҳбарлари енгила туриб, шу билан бирга ўз партиялари доирасида ўринларини мустаҳкамлаяпти. Уларда етакчи партияга айланиш учун ҳеч қандай интилиш йўқ. Бундай ҳолатда ҳукумат партияси ҳам мухолифат ҳам мамлакатга фойдали ҳеч нарса бера олмайдилар", – қўшимча қилди Йилмаз.

У янги партиянинг асосий мақсадларидан бири эркинлик эканини ҳам қайд этди.

"Туркия халқи бугун эркинликдан маҳрум. Биз ушбу даражани иложи борича кўтармоқчимиз. Иккинчидан, энергетика, фармацевтика, машинасозлик, қишлоқ хўжалиги, чорвачиликда маҳаллий ишлаб чиқаришни ривожлантирамиз. Учинчидан адолат ўрнатамиз. Туркияда олий даражадаги адолат тушунчаси муаммоли. Афсуски, адолат бўлмаган давлатда на эркинлик, на ишлаб чиқариш, на бойлик ҳақида гап бўлиши мумкин эмас", – дея қайд этди янги партия етакчиси.

У янги партия фаолиятининг яна бир муҳим йўналиши сифатида жамият розилигини санаб ўтди. "Бу борада Туркияда жиддий муаммолар мавжуд, жамият бўлиниш ҳолатлари юзага келган. Буни бартараф этиш керак. Ташқи сиёсатда биз қўшни давлатлар билан ва жаҳон айвонида қарама-қарши фронтга асосланган сиёсат олиб боришни эмас, аксинча дўстона муносабатлар ўрнатишни хоҳлаймиз", – деган Ўзтурк Йилмаз.