Коронавирус билан боғлиқ кескин вазият туфайли Туркия президенти Режеб Таййиб Эрдўғон томонидан эълон қилинган локдаун бошланди.

Ушбу чекловлар  17 майгача давом этади. Карантин давомида кун бўйи комендантлик соатига амал қилинади.

Авваллари бу каби чекловлар Туркияда фақат  дам олиш кунлари жорий қилинган эди.

Биринчи мартда Эрдўғон эпидемия тарқалишига қарши қўлланилаётган чоралар бироз юмшатилиши ҳақида баёнот берган эди.  

Туркияда вилоятлар коронавируснинг тарқалиши бўйича тўртта тоифага бўлинган: энг паст, ўртача, юқори ва жудаям юқори. Дастлабки икки тоифага киривчи вилоятларда комендантлик соати бекор қилинди, дастлабки учта тоифага кирувчи ҳудудларда кафе ва ресторанлар фаолиятига рухсат берилди.

Шундан кейин мамлакатда кунлик COVID-19га чалиниш ҳолатлари сони кескин ошиб кетди, март ойининг бошидан то апрелнинг ўрталаригача коронаврус тарқалиши билан боғлиқ ҳолатлар олти баробарга кўпайди ва ҳукумат чекловларни яна жорий қилишга мажбур бўлди.

Локдаун пайтида Туркия фуқаролари уйини узоқ тарк этмаслиги лозим, фақат яқин орадаги озиқ-овқат дўконига, дорихонага, врачга кўринишга бориши ва итларни сайр қилишига рухсат берилади.