Мудофаа вазири Хулуси Акарнинг хабар беришича, Россия, Украина ва Туркия Мудофаа вазирлари ўринбосарлари ҳамда Бирлашган Миллатлар Ташкилоти вакиллари иштирокида «дон шартномаси»ни узайтириш масалалари бўйича учрашув 10 майда бошланди. Бу ҳақда у «TRT» телеканалига берган интервьюда айтган.

«Бу мавзуда музокаралар ҳеч ҳам тўхтамаган, у барқарорликни таъминлашга қаратилган», деди вазир.  

2022 йилнинг 22 июль куни Россия, Туркия, Украина ва БМТ вакиллари Украинанинг тўртта портидан дон, озиқ-овқат ва табиий ўғитларни Қора денгиз орқали олиб чиқиш шартномасини имзолаган эдилар. Кемаларнинг ҳаракатланишини Истанбулдаги Ҳамкорлик мувофиқлаштириш маркази назорат қилмоқда.  

Хабар берилишича, Украинадан шу кунгача тахминан 30 миллион тонна озиқ-овқат экспорт қилинган.  

«Бугун Украина портларида 600 минг тонна дон ва бошқа қишлоқ хўжалиги маҳсулотлари юкланган 14 кема, Туркия сувларида эса бир миллион 200 минг тоннага яқин маҳсулот юкланган 26 та кема жўнатишга ҳозир бўлиб турибди», дейилади Мудофаа вазирлиги маълумотида.  

Дон шартномасининг амал қилиш муддати 18 май куни тугайди. Бугун бу мавзуда Истанбулда музокаралар давом этади ва унинг узатилиши бўйича қарор чиқиши кутилмоқда.  

ЎзА