Turkiyada bir kishi istiqomat qilayotgan uchta qishloq aniqlandi, deb yozdi “Türkiye” gazetasi statistika instituti ma’lumotiga tayanib.

Ma’lum bo‘lishicha, Turkiya Respublikasining yuz yilligi nishonlangan 2023 yil mamlakat aholisi avvalgi yilga nisbatan 92 824 kishiga ko‘paygan va 85 372 377 nafarni tashkil etgan.

– Uch qishloq aholisi eng kam manzil sifatida ro‘yxatga olindi, – deyilgan hisobotda. – Aniqlanishicha, ushbu qishloqlarning har birida bir nafardan fuqaro yashaydi.

Darvoqe, mamlakatda aholisi 2, 3 yoki 4 kishidan iborat qishloqlar ham uchrarkan.