Туркия Президенти Режеп Таййип Эрдоған ва Арманистон Бош вазири Никол Пашинян телефон орқали мулоқот қилиб, олдиндан ҳеч қандай шартсиз икки томонлама муносабатни яхшилаш истагини билдиришган.

– Суҳбат чоғида сиёсий етакчилар икки мамлакатнинг махсус вакиллари ўртасида музокараларни давом эттириш муҳимлигини қайд этишди ва ҳозиргача келишиб олинган шартлар ҳақида фикр алмашди, – дейилган Туркия Президенти девони тарқатган хабарда.

Таъкидланишича, томонлар юқори лавозимли мулозимлар ўртасида давом этаётган мулоқотдан қониқиш ҳосил қилган, минтақа ва халқаро кун тартибидаги масалаларни муҳокама қилган.