Шу кунларда Камолиддин Беҳзод номидаги Миллий рассомлик ва дизайн институти ректори Аббосжон Мирзораҳимов бошчилигидаги институт мутасаддилари Туркияда хизмат сафарида бўлиб турибди.

Сафар давомида Туркиянинг Карабук университетида “Ўзбекистон ва Туркия маданий меросини ўрганиш масалалари” мавзуида семинар ташкил этилди. Унда юртимиз делегацияси аъзолари университет фаолияти билан яқиндан танишди. 

Камолиддин Беҳзод номидаги Миллий рассомлик ва дизайн институти ҳамда Туркиянинг Карабук университети ўртасида ҳамкорлик меморандуми имзоланди. 

Ҳужжатда икки олий таълим муассасаси ректорлари А.Мирзораҳимов ҳамда Фатиҳ Киришик имзо қўйди. Меморандум келгусида томонларнинг профессор-ўқитувчилари, талабалар алмашинуви, стажировка ўташ масалаларини кўзда тутади. 

Гулноза Бобоева, ЎзА