G‘alla eksporti bo‘yicha kelishuv doirasida Turkiya portlarni minadan tozalashda Kiyevga yordam berishga tayyor.

Bu haqda Turkiya Prezidenti maslahatchisi Ibrohim Kalin ma’lum qildi, deyiladi "Interfax.ru" axborotida.

Turkiya rasmiy vakili "Portlarni minadan tozalash uchinchi davlat tomonidan amalga oshirilishi mumkin, bu ishda Turkiya yordam berishga tayyor", degan.

Darvoqe, o‘tgan hafta Ukraina g‘allasini eksport qilish bo‘yicha muzokarada Rossiya, Turkiya, BMT va Ukraina Istanbulda muvofiqlashtiruvchi markaz tashkil etish, portlardagi donni birgalikda nazorat qilish bo‘yicha kelishuvga erishgan.