Туркия тез кунларда нефть қазиб олишда “катта янгилик”ни эълон қилади, деб баёнот берди мамлакат энергетика ва табиий захиралар вазири Фотих Донмез.

Аввалроқ, Туркия Президенти Режеп Таййип Эрдоған мамлакат жануби-шарқида қиймати 12 миллиард долларга баҳоланаётган 150 миллион баррель миқдорида нефть захираси (тахминан 21,3 миллион тонна) топилгани ҳақида маълум қилган эди. Унинг таъкидлашича, ушбу кон жорий йилда қуруқликда топилган ўнта энг йирик нефть захирасидан бири бўлади.

“Биз нефть борасида жуда тез вақтларда катта янгиликни маълум қиламиз”, – деган Донмез A Haber телеканалига.