Туркия мудофаа вазирлигининг маълум қилишича, Сурия ва Ироқ шимолида амалга оширилган ҳаво зарбалари натижасида террорчиларнинг 89 та нишони йўқ қилинган.

Аввалроқ Туркия мудофаа вазирлиги Анқара мамлакатда тақиқланган Курдистон ишчи партиясининг Сурия ва Ироқ шимолида жойлашиб олган жангари тўдаларига қарши ҳаво амалиётини ўтказишини маълум қлганди. Бундан бир неча кун аввал курдларнинг “Сурия демократик кучлари” ҳаракати вакили Фарҳод Шами Туркия Суриянинг шимолидаги чегарага яқин Кобани шаҳрига зарбалар бериши ҳақида баёнот берган эди.

"Ҳаво амалиёти террорчилар Туркияга қарши ҳужум учун фойдаланадиган база қилиб олган Ироқнинг Кандил, Асос, Хакурк ва Суриянинг Тель-РифаатЮ Сизир ва Дерик туманларида амалга оширилди. Ҳаво зарбалари натижасида 89 та нишон йўқ қилинди, уларнинг 81 таси биринчи босқичда ва саккизтаси бугун эрталаб йўқ қилинган. Мазкур объектлар террорчилар яширинадиган бункерлар, ғорлар, туннеллар, қурол-яроғлар сақланадиган омборлар ва террорчиларнинг қароргоҳлари ҳамда машғулот ўтказадиган лагерлардан иборат. Улардан мамлакатимиз, халқимиз, чегараларимиз хавфсизлигига таҳдид солинмоқда. Кўплаб террорчилар маҳв этилди", - дейилади хабада.

Туркия ички ишлар вазири Сулаймон Сойлининг маълум қилишича, ўтан ҳафта Истамбул марказидаги портлашни уюштирганлар Кобани шаҳридан буйруқ олган. Ижрочи эса Туркияга Африн шаҳри орқали кириб келган. Теракт содир этган кимса қўлга олинган. У Курдистон ишчи партиясига алоқадорлигини тан олган.