Бу ҳақда Туркия соғлиқни сақлаш вазири Фахреттин Кожанинг маълумотига таяниб TRT телеканали хабар берди.

Аввалроқ 25 киши ҳалок бўлгани ҳақида айтилган эди.  

"Кўмир шахтасида юз берган портлаш қурбонлари жами 28 кишига етди", - дейилади хабарда.  

Шунингдек,  11 киши жароҳат олиб касалхонага ётқизилгани маълум қилинди.

Портлаш Туркиянинг шимолий ҳудудида  шахтада юз берган. Вайроналар остида ишчилар қолиб кетган, улар ҳали ҳам чиқариб олингани йўқ, деб хабар берганди аввалроқ CNN Turk телеканали. A Haber телеканал эса маҳаллий ҳукумат маълумотига таяниб, портлаш содир бўлган жойда, яъни 300 метр чуқурликда 115 нафар  ишчи бўлгани ҳақда хабар берди. Ишчиларнинг бир қисми қутқариб олинган, 49 ишчи портлашдан кейин ер остида беркилиб қолган, деди Бартин вилояти гебернатори Нуртаж Арслан.