Turkiya shimoli-sharqidagi Riza va Artvin viloyatlarida kuchli yomg‘ir va jala tufayli suv toshqinlari kuzatildi.

Hududda qidiruv-qutqaruv ishlari boshlab yuborildi, deyiladi mamlakat favqulodda vaziyatlar boshqarmasi xabarida.  

“Arxavi daryosi o‘zanidan toshgan, tumanlar markazi va qishloqlarning ko‘chalarini suv bosgan. Tabiiy ofat girdobida qolgan odamlarni qutqarish ishlari davom etmoqda. Riza viloyatida ham holat shunday”, deyiladi mahkama ma’lumotida.  

Tabiiy ofat hududiga yetib kelgan ichki ishlar vaziri Suleyman Soyluning aytishicha, qurbonlar yo‘q, bir necha odam jarohatlangan.