Туркия ташқи ишар вазирлиги баёнот беришича, Қрим яриморолида Давлат думасига бўлиб ўтган сайловлар Анқара учун юридик кучга эга эмас, чунки мамлакат яриморолнинг Россия Федерациясига қўшиб олинишини тан олгани йўқ.

"Туркия Украинанинг ҳудудий бирлигини қўллаб-қувватлашда давом этади ва Қримнинг ноқонуний аннексия қилинишини тан олмайди. Шунга мувофиқ, Россия Федерацияси Давлат думасига бўлиб ўтган сайловлар Қримда ҳам ташкил этилгани Анқара учун ҳуқуқий кучга эга эмас", - дейилади Туркия ташқи ишлар вазири матбуот котиби Танжу Билгичнинг  мазкур идора сайтида эълон қилган хабарида.

Қрим Россия таркибига  2014 йилда референдум орқали қўшиб олинган. Рефрендум натижасига кўра, 96,77 фоиз қримликлар ва 95,6 фоиз севастополликлар Россияга қўшилиши учун овоз берди. Аммо кўп давлатлар, жумладан АҚШ ва Украина Қримни Россия томонидан вақтинчалик босиб олинган Украина ҳудуди, деб ҳисоблайди.