Туркия Президенти Режеп Таййип Эрдоған июль ойида Қозоғистон, Озарбайжон, AҚШ ва Шимолий Кипрга боришни режалаштирмоқда.

“AзерТAЖ” хабар беришича, мазкур хорижий ташрифларнинг биринчи манзили 3-4 июль кунлари Шанхай ҳамкорлик ташкилоти саммити бўлиб ўтадиган Остона бўлади.

Туркия етакчиси Озарбайжонга ташрифи доирасида Шуша шаҳрида Туркий давлатлар ташкилотига аъзо давлатлар раҳбарлари норасмий саммити иштирокчилари билан учрашувлар ўтказишни режалаштирган.

9-11 июль кунлари НAТО саммити бўлиб ўтадиган AҚШда у Президент Жо Байден билан ҳам мулоқот қилади.

Ва ниҳоят, 20 июль куни Эрдоған Турк Қуролли кучларининг Кипрдаги тинчликни сақлаш амалиёти 50 йиллигига бағишланган тантанали тадбирлар ўтказиладиган Лефкоса шаҳрига бориши  кутиляпти.